XVIII San Silvestre Castrelo de Miño - 31 Decembro 2016-

 Ola a tod@s

Cita a que non se pode faltar,xa un clásico no calendario, e este ano tiña un sentido e valor especial, xa que veñen sensacións encontradas a cabeza, despois de un ano inactivo, serve para marcar o punto de inflexión, é a volta a adestrar con continuidade.

Boa participación do CD Aurum, pese a organizar o clube a I San Silvestre Ourensá, todo un éxito, por outra banda.

A base pisa forte, e participaron arredor de 14 atletas, nas diferentes categorías, obtendo bos resultados.

Destacar o bo nivel de Furi, e lembrando vellas etapas, fainos sentir en plena xuventude, destapando o tarro das esencias, como ben fixo Furi, colgamos algunha foto de anos anteriores.

Finalmente, o fin desta carreira é divertirse, pasalo ben sen incidentes, finalizando a mesma en: 31:31 e co premio do chocolate e de empezar un ano novo adestrando.

Para o resto de compañeir@s Aurum, desexo un 2017 de saúde e bos resultados.

PINCHA AQUI PARA IR OS RESULTADOS

                                             Ano 2010, chegada a meta con Furi, lémbraste?


Un saúdo a tod@s

VIII CARREIRA SOLIDARIA DO ARENTEIRO - 18 Decembro 2016-

Boa tarde   a tod@s.

Unha clásica nas datas de Nadal,achegándonos ata a vila do Carballiño para correr a Solidaria do Arenteiro. Tamén correron Furi e Javier, os cales demostraron o seu bo estado de forma.

Saindo de menos a máis pero regulando o esforzo, xa que estaba algo cargado debido os adestramentos das semanas previas.

Percorrido esixente , xa que descorre polos parques e paseos da vila, onde hai partes adoquinadas, pontes, e repechos xeitosos.


Finalmente, o  obxectivo era finalizar sen incidentes, seguir sumando km, adestrar ben, e pouco a pouco acadar ese nivel óptimo nos meses de marzo/abril, segundo o previsto

Tempo final 40:51, listo pra seguir adestrando.Felicitar a todos os   C.D. Aurum, parabéns a tod@s.

PINCHA AQUÍ PARA IR OS RESULTADOS

Algunhas fotos...

 Un saúdo a tod@s

XV CARREIRA PEDESTRE NADAL - CTO. PROVINCIAL 10KM RUTA - 11 DECEMBRO 2016 -

Boa día a tod@s.

Gran cita atlética, xa unha clásica nas datas previas ao Nadal, e persoalmente unha proba que me encanta correr, e disputar si se pode. Este ano era algo diferente, xa que debía regular e dosificar esforzo, para chegar forte o tramo final e últimos repechos.

O adestramento das semanas previas, deu seu froito, xa que me sentín cómodo en todo momento, sen chegar a fatiga total. Desenvolveuse dun xeito moi bonito, xa que saimos todos os do equipo xuntos, facendo grupeta, e levando un ritmo uniforme; Lalo, Javier, Ramsés e eu, toda a carreira xunta ata os últimos kms.

Tamén Furi, que sempre foi cómodo e máis adiante deste grupo máis numeroso, facendo un gran tempo.

No tramo final , nos distanciamos algo Ramsés e eu, co único obxectivo de baixar dos 40 min, que no meu caso despois de moitos meses sen adestrar e competir, unha vez xa pasaron 2 meses de reaxuste e volta a adestrar, era o tempo máis realista para acadar.

Finalmente se conqueriu o obxectivo, tanto Ramsés, Javi, Lalo e eu mesmo, facendo fincapé na canteira que está pisando forte, e Eloy que volve a rendir a un gran nivel.

Felicitar a todo o equipo de C.D. Aurum e tamén resaltar o bo tempo de Susana, parabéns a tod@s.

Tempo final 39:32 acabando forte , e listo pra seguir adestrando; sen prisa pero sen pausa.

PINCHA AQUÍ PARA IR OS RESULTADOS

Algunhas fotos da proba...

Un saúdo a tod@s